Dobleclic Agencia y Estudio de Diseño, Publicidad y Comercio Electrónico de A Coruña, Galicia

Ografico Deseño é un estudo de deseño gráfico dirixido por Javier Pérez afincado en Santiago de Compostela pioneiro en Galicia e creador de tendencias realizou numerosos traballos para a Xunta de Galicia, outras moitas institucións e no sector privado.

DobleClic -  ¿Como foron  os teus comezos no deseño a primeiros dos 90?

Ografico – Comecei traballando nunha fotomecánica, onde ademais da elaboración de fotolitos e traballos de escáner realizábase o proceso completo para a creación de calquer publicación fose un libro ou unha revista.  Ahí aprendín moito sobre tódalas partes do proceso de produción.

DobleClic – ¿Que tecnoloxía se usaba no deseño gráfico por ordenador?

Ografico – Sempre tiven a sorte de traballar con equipos Apple e coas primeiras versións de programas como Freehand, QuarkXpress ou Photoshop.

DobleClic – ¿Como ve o cambio e a evolución de esa tecnoloxía na actualidade?

Ografico – En canto ao proceso previo, o software utilizado para crear os traballos de deseño evolucionou e profesionalizouse; e con respecto ao proceso de impresión: a aparición do directo de prancha e a utilización na  imprenta das tramas estocásticas supuxo un cambio moi grande nos procesos de traballo, reducíronse os tempos e os custos de produción ademais de mellorar a calidade do traballo considerablemente.

DobleClic – ¿Que proxectos ten Ografico na actualidade?

Ografico – Como proxecto máis destacable actualmente temos o desenvolvemento da Identidade corporativa para a «Universidad de la Rioja».

DobleClic – ¿E para o futuro ?

Ografico – O día a día absórbete e creas e traballas o que outros che encargan, queremos tamén explorar a posibilidade de levar a cabo proxectos personais de edición.

DobleClic – ¿Afectou a crise ao sector publicitario ?

Ografico – Aféctalle como a calquer outro sector produtivo, coñezo compañeiros que reduciron o seu plantel e outros casos incluso máis drásticos. Cúmprese o tópico de que moitas empresas se teñen que reducir gastos fano na publicidade e promoción.

DobleClic – ¿Porque debe invertir unha empresa en publicidade nun momento de descenso do consumo ?

Ografico – A inversión en publicidade nas Pemes, que son a maioría das empresas de este país, debe resultar eficaz. Temos que convencer a estas empresas de que non se trata de un gasto inútil, e que hoxe en día nunha situación de mercados globais o empresario compite con produtos que veñen de países con custos de produción inferiores e iso obrígalle a incidir sobre os aspectos que aportan maior valor engadido aos  seus produtos para facelos máis competitivos.

DobleClic – ¿Hai calidade nos estudos e profesionais publicitarios galegos?

Ografico – Moitísima, hai profesionais estupendos que fan moi bos traballos. Quizais o que nos falte é un pouco de promoción interna das nosas creacións.

DobleClic – Para despedirnos: ¿cal é o mellor traballo que lembras?

Ografico – Teño un grato recordo de una identidade que creamos para unha adega de Valdeorras;  Casal Novo. Fai xa 10 anos aproximadamente, confiaron no noso criterio dende o principio e para todo, o cal resultou moi estimulante.